Psalms 60
Tumtheih makaipa ading. “Unok thukhun aw” a sak ding, David miktam ▼▼ 0 Thulu: Lailam ahikeh tumtheihlam kamzat hi kha ding khat. Kihilh nading Aram, Naharaim ▼▼ 0 Thulu: Mesopotamia nitumna saklam a Aram-te. le Aram Zobah ▼▼ 0 Thulu: Tua in Syria laizang a Aram-te a do lai le Joab a ciah dinga Ci Kuam ah Edom-te tul sawm le tulnih a sattuk hun lai-a.
1 Pasian aw, kote hong nialin nong sukham khin a;na heh khin hi - tu in kote ka ngei uh hong bangsak kik in! d
2 Lei lokin na khangkhamsak hi; e
lingling ahi manin a khaannate kicihsak kik in. f
3 Na mite hunsiate na lak khin a; g
kote hong hoisak lenggahzu nong pia zo hi.
4 Ahi hangin nang hong kihtate langah
thal a kikek loh nadingin dialkhai na laamto khin hi. h i
5 Na itte a kihutkhiat theih nadingin j
na taklam khutin kote hong huhin hong honkhia in. k
6 Pasian in ama mun siangtho panin:
“Gualzo-in Shechem ka phelkham dinga, l
Sucoth Kuam ka tehkhia ding hi. m
7 Gilead kei aa hi-a, Manasseh kei aa ahi hi; n
Ephraim ka sik lukhu hi-a,
Judah ka sik ciangkhut ahi hi. o
8 Moab ka kisilna tuikuangpi hi-a,
Edom tungah ka khedap kaih ka sing a,
Philistia tungah gualzo in ka kiko hi,” ci-in gen khin hi. p
9 Kua in khuapi muanhuai ah kei hong puak ding ahi hiam?
Kua in Edom ah hong pi ding hiam?
10 Pasian aw, kote hong nolh a,
ka galkapte uh a kuanpih nawn lo nang hi lo na hi hiam? q
11 Mihingte huhna in man nei lo ahi manin, r
galte langah huhna hong pia in.
12 Pasian tawh eite i gualzo dinga,
amah in i galte a tuancil ding hi. s
Copyright information for
ZomZIV